இயக்குனர் லோகேஷ் கனகராஜ் இயக்கிய விக்ரம் படத்திற்கு பிறகு கமல்ஹாசனின் மார்க்கெட் அப்படியே ராக்கெட் போல உயர்ந்தது என்று தான் சொல்ல வேண்டும் . இந்தப் படத்தின் வெற்றியை தொடர்ந்து இயக்குனர் ஷங்கர் இயக்கத்தில் உருவாகி வரும் இந்தியன் 2 , இயக்குனர் எச் வினோத் இயக்கத்தில் உருவாகி வரும் புதிய படம் என்று அடுத்தடுத்து பல திரைப்படங்களில் நடித்துக் கொண்டு வருகிறார் கமல்ஹாசன்.
மேலும் இதைத் தொடர்ந்து இயக்குனர் மணிரத்னத்துடனும் கூட்டணி அமைக்க உள்ளார் கமல்ஹாசன் . அந்த வகையில் கடந்த 1987 ஆம் ஆண்டு வெளியான நாயகன் படத்தில் இருவரும் ஒன்றாக கூட்டணி சேர்ந்தனர். இந்த திரைப்படம் மிகப்பெரிய வெற்றி படமாக அமைந்தது .
இதன்பிறகு 36 வருடங்கள் கழித்து இருவரும் கூட்டணி போட்டனர் . அந்த திரைப்படம் தான் தக் லைப் . இந்த படத்தில் கமலுடன் இணைந்து ஜெயம் ரவி ,துல்கர் சல்மான், கௌதம் கார்த்திக், ஜோஜு ஜார்ஜ் ,திரிஷா ,ஐஸ்வர்யா ராய் போன்ற பல பிரபலங்கள் நடிக்க உள்ளனர் .
இப்படி ஏற்கனவே இந்த படத்தில் இரண்டு கதாநாயகிகள் உள்ள நிலையில், தற்போது மூன்றாவதாக ஒரு நடிகை இணைந்துள்ளார் . அவர் வேறு யாருமில்லை நடிகை ஐஸ்வர்யா லட்சுமி தான். குறிப்பாக இந்த படத்தில் நடித்திருந்த அனைவருமே இதற்கு முன்பு ,
இயக்குனர் மணிரத்னம் படத்தில் நடித்திருந்தவர்கள் என்பது குறிப்பிடத்தக்கது . இருந்தாலும் கமல் படத்தில் 3 கதாநாயகி இணைந்துள்ளது மேலும் எதிர்பார்ப்பை ஏற்படுத்தி உள்ளது…