நடிகர் விஜய் கட்சி ஆரம்பித்ததில் இருந்தே வாழ்த்துக்களை விட விமர்சனங்களை தான் அதிகம் சந்தித்து வருகிறார் . அந்த வகையில் கடந்த வாரம் “தமிழக வெற்றி கழகம்” என்ற தன்னுடைய புதிய கட்சியின் பெயரை அறிவித்திருந்தார் நடிகர் விஜய் . மேலும் வருகின்ற 2026 ஆம் ஆண்டு நடக்க உள்ள சட்டமன்றத் தேர்தலில் போட்டியிடுவதாகவும் அறிவித்திருந்தார் விஜய் . அப்படி அவர் வெளியிட்ட அறிக்கையில் ,
“தமிழக வெற்றி கழகம்” இடையில் “க்” வர வேண்டும் என்று பலரும் விமர்சனம் செய்து வந்தனர் . அதோடு விஜய் வெளியிட்ட அறிக்கையில் இருந்த எழுத்துப் பிழைகளையும் சுற்றி காட்டினார்கள் நெட்டிசன்கள். இப்படி இருக்கும் நிலையில் அடுத்த பிரச்சனையில் சிக்கி இருக்கிறார்,
நடிகர் விஜய் . அந்த வகையில் நடிகர் விஜய்யின் “தமிழக வெற்றி கழகம்” கட்சியின் பெயரை சுருக்கினால் TVK என்று வரும் . ஆனால் ஏற்கனவே TVK என்ற கட்சி தமிழகத்தில் இருக்கிறதாம் .அதாவது “தமிழக வாழ்வுரிமை கட்சி” இந்த கட்சியின் ஆங்கில சுருக்கமும் TVK தான் .
இந்நிலையில் இந்த கட்சியின் தலைவரான வேல்முருகன் கூறியதாவது, நடிகர் விஜய்யின் தமிழக வெற்றி கழகத்தின் ஆங்கில சுருக்கமாக TVK என்று பயன்படுத்தக் கூடாது என்று தேர்தல் ஆணையத்தில் முறையிடுவோம். ஏற்கனவே “தமிழக வாழ்வுரிமை கட்சியை” TVK என்று ,
தேர்தல் ஆணையத்தில் பதிவு செய்துள்ளோம் . வருகின்ற தேர்தலிலும் போட்டியிட உள்ளோம் . இப்படி ஒரே பெயரில் இரண்டு கட்சி இருந்தால் மக்களிடையே குழப்பம் ஏற்படும் என்று கூறியிருந்தார் வேல்முருகன்…