லியோ திரைப்படம் இரண்டு வாரங்களை கடந்தும் கூட இன்னும் திரையரங்குகளில் வெற்றிகரமாக ஓடிக்கொண்டு இருக்கிறது . அந்த வகையில் கடந்த 19ஆம் தேதி இயக்குனர் லோகேஷ் கனகராஜ் இயக்கத்தில் விஜய் நடிப்பில் வெளியான இந்த திரைப்படம் பிளாக்பஸ்டர் படமாக அமைந்துள்ளது . குறிப்பாக இந்த திரைப்படம் முதல் நாளிலேயே 148 கோடிக்கு மேல் வசூல் செய்து சாதனை படைத்தது .
இதனால் ஜெயிலர் படத்தின் வசூலை கண்டிப்பாக லியோ திரைப்படம் முறியடித்து விடும் என்றும் லியோ திரைப்படம் ஆயிரம் கோடி வசூலித்து விடும் என்றும் பலரும் கூறி வந்தனர் . ஆனால் இரண்டாவது வாரத்திலேயே லியோ படத்தின் வசூல் மந்தமாகிவிட்டது. அப்படி இதுவரை,
லியோ திரைப்படம் 550 கோடிக்கு மேல் வசூல் செய்துள்ளது . இதனால் ஜெயிலர் படத்தை லியோ திரைப்படம் முறியடிக்க வாய்ப்பே இல்லை என்று கூறப்பட்டது . இப்படி இருக்கும் நிலையில் ஜெயிலர் படத்தை கீழே தள்ளி நம்பர் ஒன் இடத்தை பிடித்துள்ளது லியோ திரைப்படம் . ஆனால் அது,
தமிழ்நாட்டில் இல்லை , கேரளாவில் தான் . அந்த வகையில் கேரளாவில் ரிலீசான ஜெயிலர் திரைப்படம் 57.4 கோடி வசூல் செய்து சாதனை படைத்ததாம் . இதைத்தொடர்ந்து கேரளாவில் வெளியான லியோ திரைப்படம் 57.8 கோடி வசூல் செய்து ஜெயிலரை கீழே தள்ளி உள்ளதாம்.
இன்னும் சொல்லப் போனால் கேரளாவில் அதிக வசூல் செய்த திரைப்படமாக லியோ திரைப்படம் இடம் பெற்றுள்ளதாம் . அதுமட்டுமல்லாமல் தமிழ்நாட்டை தாண்டி கேரளாவில் தான் விஜய்க்கு அதிக ரசிகர்கள் உள்ளனர் என்பது குறிப்பிடத்தக்கது…