தற்போது இயக்குனர் மகிழ் திருமேனி இயக்கத்தில் அஜித்குமார் நடிப்பில் பிரம்மாண்டமாக உருவாகி வரும் திரைப்படம் தான் விடாமுயற்சி . லைக்கா நிறுவனம் தயாரிக்கும் இந்த படத்திற்கு அனிருத் இசை அமைக்க உள்ளார் . மேலும் இந்த படத்தின் அறிவிப்பு வெளியாகி பல மாதங்கள் கழித்து தான் இந்த படத்தின் படப்பிடிப்பு தொடங்கியுள்ளது. இந்த படத்தில் அஜித்துடன் இணைந்து திரிஷா,
ரெஜினா , ப்ரியா பவானி சங்கர் போன்ற நடிகைகள் நடிக்க உள்ளதாக தகவல் வெளியாகி உள்ளது . இப்படி இருக்கும் நிலையில் இந்த படத்தில் 12 வருடங்கள் கழித்து அஜித்துடன் பிரபல நடிகர் ஒருவர் இணைந்துள்ளாராம் . அவர் வேறு யாருமில்லை நடிகர் அர்ஜுன் தான் .
தமிழ் சினிமா ரசிகர்களால் ஆக்சன் கிங் என்று அழைக்கப்பட்டு வரும் அர்ஜுன் கடந்த 2011 ஆம் ஆண்டு இயக்குனர் வெங்கட் பிரபு இயக்கத்தில் அஜித் நடிப்பில் வெளியான மங்காத்தா படத்தில் ஒரு முக்கிய கதாபாத்திரத்தில் நடித்திருந்தார் . இந்தப் படத்தில் இவருடைய கதாபாத்திரம்,
பெரிய அளவில் பேசப்பட்டது என்று தான் சொல்ல வேண்டும் . இதைஅடுத்து கிட்டத்தட்ட 12 வருடங்கள் கழித்து மீண்டும் அஜித்துடன் இணைந்துள்ளார் நடிகர் அர்ஜுன் . குறிப்பாக விடாமுயற்சி படத்தில் அஜித்துக்கு வில்லனாக அர்ஜுன் நடிக்க உள்ளதாக தகவல் ,
வெளியாகி உள்ளது . தற்போது விடாமுயற்சி படத்தில் கலந்து கொள்வதற்காக அர்ஜுன் துபாய் சென்றுவிட்டாராம் . விரைவில் இது குறித்த அதிகாரப்பூர்வ தகவல் வெளியாகும் என்று எதிர்பார்க்கப்படுகிறது…