தற்போது தமிழ் சினிமாவை கலக்கி வரும் முன்னணி நடிகர்களில் ஒருவர் தான் நடிகர் அஜித் குமார். தற்போது இவர் இயக்குனர் மகிழ் திருமேனி இயக்கத்தில் உருவாகி வரும் விடாமுயற்சி என்ற படத்தில் நடித்துக் கொண்டு வருகிறார் . இதையடுத்து தன்னுடைய அடுத்த படத்தின் வாய்ப்பை தன்னுடைய ரசிகருக்கு கொடுத்திருக்கிறார் நடிகர் அஜித் . அவர் வேறு யாரும் இல்லை இயக்குனர் ஆதிக் ரவிச்சந்திரன் தான்.
கடந்த 2015 ஆம் ஆண்டு ஜிவி பிரகாஷ் குமார் நடிப்பில் வெளியான திரிஷா இல்லனா நயன்தாரா என்ற படத்தில் மூலம் இயக்குனராக அறிமுகமானார் இயக்குனர் ஆதிக் ரவிச்சந்திரன் . பின்னர் இந்த படத்தைத் தொடர்ந்து அன்பானவன் அசராதவன் அடங்காதவன் , பஹீரா,
போன்ற திரைப்படங்களை இயக்கியிருந்தார் . இருந்தாலும் ஒரு இயக்குனராக இவர் வெற்றி பெற்றது சமீபத்தில் வெளியான மார்க் ஆண்டனி படத்தின் மூலம் தான். இந்தத் திரைப்படம் 100 கோடிக்கு மேல் வசூல் செய்து சாதனை படைத்தது . மேலும் அஜித்தின் தீவிர ரசிகராக,
இருந்து வரும் இயக்குனர் ஆதிக் ரவிச்சந்திரன் ஏற்கனவே அஜித்துடன் இணைந்து நேர்கொண்ட பார்வை என்ற படத்தில் ஒரு சிறு கதாபாத்திரத்தில் நடித்திருந்தார் . அது மட்டுமல்லாமல் மார்க் ஆண்டனி படத்தில் அஜித் குறித்த குறியீடுகளையும் வைத்திருந்தார் ,
இயக்குனர் ஆதிக் ரவிச்சந்திரன் . இந்நிலையில் நடிகர் அஜித்தின் 63வது படத்தை ஆதிக் ரவிச்சந்திரன் தான் இயக்க உள்ளதாக தகவல் வெளியாகி உள்ளது . இதைப் பார்த்த ரசிகர்கள் அப்ப படம் சூப்பர் ஹிட் தான் என்று கூறி வருகின்றனர்…