தமிழ் சினிமா உலகில் ஒரு முக்கிய நடிகராகவும் , அரசியல்வாதியாகவும் இருந்து வந்தவர் மறைந்த பிரபலம் கேப்டன் விஜயகாந்த் அவர்கள். பிறப்பால் பணக்கார வீட்டுப் பிள்ளையாக பிறந்தாலும் சினிமா மீது இருந்த ஆர்வத்தினால் சென்னைக்கு வந்தார் விஜயகாந்த் . பின்னர் பல வருட போராட்டத்திற்கு பிறகு இனிக்கும் இளமை என்ற படத்தின் மூலம் நடிகராக அறிமுகமானார் கேப்டன் விஜயகாந்த் அவர்கள் .
பின்னர் இந்த படத்தை தொடர்ச்சியாக பல சூப்பர் ஹிட் படங்களை கொடுத்து தனக்கென ஒரு தனி இடத்தை பிடித்துக் கொண்டார் விஜயகாந்த். மேலும் விஜயகாந்துக்கு புரட்சி கலைஞர் என்ற பட்டம் 100% பொருத்தமாக இருந்தது என்று தான் சொல்ல வேண்டும் . அந்த பட்டத்தை,
கொடுத்தவர் தயாரிப்பாளர் தாணு தானாம் . அந்த வகையில் தயாரிப்பாளர் தாணு தயாரித்த பல திரைப்படங்களில் நடித்திருந்தார் விஜயகாந்த். அப்படி கூலிக்காரன் என்ற படத்தில் விஜயகாந்த் நடித்து வந்தாராம். அப்போது விஜயகாந்துக்கு ஒரு பட்டம் கொடுக்க வேண்டும் ,
என்ற பேச்சு எழுந்துள்ளது . மேலும் விஜயகாந்த் எம்ஜிஆரின் தீவிர ரசிகர் என்பது அனைவருக்கும் தெரிந்த ஒன்றுதான். அதோடு கலைப்புலி தாணு கலைஞரின் தீவர ரசிகராம். இதனால் எம்ஜிஆரிடம் இருந்து “புரட்சி” கருணாநிதியிடம் இருந்து “கலைஞர்” இரண்டையும் சேர்த்து,
“புரட்சிக்கலைஞர் ” என்ற பட்டத்தை கூலிக்காரன் படத்தில் கொடுத்து இருக்கிறார் தாணு . அது மட்டுமல்லாமல் ரஜினிகாந்துக்கு சூப்பர் ஸ்டார் பட்டத்தை கொடுத்ததும் தாணு என்பது குறிப்பிடத்தக்கது …
