சூரி ஓர் பிரபலமான தமிழ் திரைப்பட காமெடி நடிகர் ஆவார். ஆரம்பத்தில் சிறு சிறு கதாபாத்திரங்களில் நடித்து வந்த சூரி கடந்த 2009 ஆம் ஆண்டு வெளியான வெண்ணிலா கபடி குழு என்ற படத்தின் மூலம் பெரிய அளவில் பிரபலமானார் . குறிப்பாக இந்த படத்தில் இவர் 50 புரோட்டா சாப்பிடும் காட்சி இன்றளவும் பிரபலம் என்று தான் சொல்ல வேண்டும். பின்னர் இந்த படத்தைத் தொடர்ந்து நான் மகான் அல்ல ,
அழகர்சாமியின் குதிரை ,வேலாயுதம் ,மனம் கொத்திப் பறவை ,சுந்தரபாண்டியன் ,கேடி பில்லா கில்லாடி ரங்கா ,வருத்தப்படாத வாலிபர் சங்கம், பாண்டியநாடு , ஜில்லா போன்ற பல சூப்பர் ஹிட் படங்களில் நடித்து தனக்கென ஒரு தனி இடத்தை பிடித்துக் கொண்டார் நடிகர் சூரி .
இப்படி காமெடியனாக கலக்கி கொண்டு வந்த சூரி வெற்றிமாறன் இயக்கத்தில் வெளியான விடுதலை என்ற படத்தின் மூலம் கதாநாயகனாக அறிமுகமானார் . இந்த திரைப்படம் இவருக்கு மிகப்பெரிய அங்கீகாரத்தை பெற்றுத்தந்தது . இதையடுத்து தற்போது கொட்டுக்காளி ,
ஏழு கடல் ஏழுமலை போன்ற படங்களிலும் முக்கிய கதாபாத்திரத்தில் நடித்துள்ளார் நடிகர் சூரி . அந்த வகையில் சமீபத்தில் இந்த படங்களின் போஸ்டர் வெளியாகி சினிமா பிரபலங்களையே வியப்பில் ஆழ்த்தியுள்ளது . இதைப்பார்த்த ரசிகர்கள் இனிமேல் சூரியை ,
யாரும் காமெடி பீஸ் என்று சொல்ல வாய்ப்பே கிடையாது என்று கூறிவருகின்றனர் . இந்த தகவல் தற்போது சமூக வலைத்தளங்களில் வெளியாகி வைரலாகி வருகிறது …
