ஜிவி பிரகாஷ் குமார் ஒரு பிரபலமான தமிழ் திரைப்பட இசையமைப்பாளர் மற்றும் நடிகர் ஆவார். இசையமைப்பாளராக தன்னுடைய திரை பயணத்தை தொடங்கிய ஜிவி பிரகாஷ் பல சூப்பர் ஹிட் படங்களுக்கு இசையமைத்திருக்கிறார் . இதன் பிறகு டார்லிங் என்ற படத்தின் மூலம் ஹீரோவாக அறிமுகமானார் ஜிவி பிரகாஷ் . பின்னர் இந்த படத்தை தொடர்ந்து பல திரைப்படங்களில் நடித்து தமிழ் ரசிகர்கள் மத்தியில்,
தனக்கென ஒரு தனி இடத்தை பிடித்துக் கொண்டார் ஜிவி பிரகாஷ் . குறிப்பாக அண்மைக்காலமாக இவர் தேர்ந்தெடுக்கும் திரைப்படங்கள் எல்லாம் ரசிகர்களை வெகுவாக கவர்ந்து வருகிறது. இப்படி இருக்கும் நிலையில் முன்னணி நடிகர்களுக்கே கிடைக்காத வாய்ப்பு ,
ஜிவி பிரகாஷ் குமாருக்கு கிடைத்திருக்கிறது . அந்த வகையில் பிரபல பாலிவுட் இயக்குனர் இயக்க உள்ள புதிய படத்தில் ஹீரோவாக நடிக்க உள்ளாராம் ஜிவி பிரகாஷ் குமார் . அவர் வேறு யாரும் இல்லை இயக்குனரும், நடிகருமான அனுராக் காஷ்யப் தான் .பாலிவுட் சினிமா உலகில் ,
ஒரு தவிர்க்க முடியாத இயக்குனராக இருந்து வரும் அனுராக் காஷ்யப் தமிழில் வெளியான இமைக்கா நொடிகள், லியோ போன்ற படங்களில் நடித்திருக்கிறார் . இப்படி இருக்கும் நிலையில் இவருடைய படத்தில் நடிப்பதற்கு முன்னணி நடிகர்களே காத்துக் கொண்டிருக்கின்றனர் .
இந்நிலையில் இவர் அடுத்ததாக தமிழில் ஒரு புதிய படம் எடுக்க உள்ளாராம் . அந்த படத்தில் ஹீரோவாக ஜிவி பிரகாஷ் குமார் நடிக்க உள்ளாராம். மேலும் இதற்கு முன்பு அனுராக் காஷ்யப் இயக்கிய ஒரு படத்திற்கு ஜிவி பிரகாஷ் குமார் இசையமைத்திருந்தார் என்பது குறிப்பிடத்தக்கது…