தற்போது லியோ படத்தின் வெற்றியை தொடர்ந்து இயக்குனர் வெங்கட் பிரபு இயக்கி வரும் தளபதி 68 என்ற படத்தில் நடித்துக் கொண்டு வருகிறார் நடிகர் விஜய். இந்தப் படத்தில் விஜய்யுடன் இணைந்து பிரசாந்த், பிரபுதேவா, மைக் மோகன் ,சினேகா, லைலா ,ஜெயராம் , விடிவி கணேஷ், மீனாட்சி போன்ற பல நடிகர், நடிகைகள் நடித்து வருகின்றனர் . ஏஜிஎஸ் நிறுவனம் தயாரிக்கும் இந்த படத்திற்கு ,
யுவன் சங்கர் ராஜா இசையமைக்கிறார் . இப்படி இருக்கும் நிலையில் எப்போதும் போல இந்தப்படத்திலும் தங்கை சென்டிமென்ட் இடம்பெற உள்ளதாக தகவல் வெளியானது . அதற்காக விஜய்யின் தங்கையாக நடிப்பதற்கு இளம் நடிகையிடம் பேச்சுவார்த்தை நடந்ததாம் .
அவர் வேறு யாருமில்லை இவானா தான் . நாச்சியார் என்ற படத்தின் மூலம் அறிமுகமான இவானா கடந்த வருடம் வெளியான லவ் டுடே என்ற படத்தின் மூலம் தமிழ் ரசிகர்களிடையே பெரியளவில் பிரபலமானார் . இந்நிலையில் விஜய்யுடன் நடிக்கும் வாய்ப்பு இவானாவுக்கு வந்திருக்கிறது.
ஆனால் தற்போது இவானா தளபதி 68 படத்தில் நடிக்க மாட்டேன் என்று கூறிவிட்டாராம் . காரணம் தளபதி 68 படத்தில் அவருக்கு வாய்ப்பு வந்தது உண்மை தானாம். ஆனால் அது தங்கை ரோல் கிடையாது என்று கூறப்படுகிறது . மேலும் அவர் விலகியதற்கு காரணம் அந்த ரோலில் ,
நடித்தால் இனி வருவதெல்லாம் அதே போன்ற ரோல்கள் தான் வரும் என்ற அச்சத்தால் தான் இந்த படத்தில் நடிக்க மாட்டேன் என்று கூறியதாக தகவல் வெளியாகி உள்ளது…
