தமிழ் சினிமாவை பொறுத்தவரை எத்தனையோ இசையமைப்பாளர்கள் வந்தாலும் இளையராஜாவை அடித்துக்கொள்ள ஆளே கிடையாது என்று தான் சொல்ல வேண்டும் . அந்த அளவிற்கு ஒரு தனித்துவமான இசையமைப்பாளர் இசைஞானி இளையராஜா அவர்கள் . அப்படி அன்னக்கிளி என்ற படத்தின் மூலம் தன்னுடைய இசை பயணத்தை தொடங்கிய இளையராஜா ,
இதுவரை ஆயிரத்துக்கும் மேற்பட்ட படங்களில் இசையமைப்பாளராக பணி புரிந்திருக்கிறார். அதுவும் இவர் அப்போது இசையமைத்த பாடல்கள் இப்போதும் ரசிகர்களை கவர்ந்து வருகிறது. அந்த அளவிற்கு இரண்டு தலைமுறை ரசிகர்களையும் தன்னுடைய பாடல்களால் கவர்ந்து வைத்திருக்கிறார் இளையராஜா .
இப்படி இசையில் பல சாதனைகளைப் படைத்த இளையராஜாவின் வாழ்க்கை வரலாறு படமாக உருவாக உள்ளதாம் . அந்த படத்தை பிரபல ஹிந்தி இயக்குனரான பால்கி இயக்க உள்ளாராம். இந்நிலையில் இந்த படத்தில் இளையராஜா கதாபாத்திரத்தில் நடிகர் தனுஷை நடிக்க வைக்க ,
போவதாக முடிவெடுத்துள்ளாராம் இயக்குனர் பால்கி . காரணம் நடிகர் தனுஷ் இளையரா ஜாவின் மிகப்பெரிய ரசிகர் . அதுமட்டுமல்லாமல் இளையராஜாவின் முகம் போல தான் தனுஷின் முகமும் உள்ளது. இதனால் இளையராஜாவின் கதாபாத்திரத்திற்கு தனுஷ் ,
100% சரியாக வருவார் என்றும், இந்தத் திரைப்படம் தனுஷுக்கும் , எனக்கும் ஒரு கனவு திரைப்படமாக இருக்கும் என்று கூறியிருந்தார் இயக்குனர் பால்கி . இவர் ஏற்கனவே தனுஷை வைத்து ஷமிதாப் என்ற படத்தை இயக்கியிருந்தார் என்பது குறிப்பிடத்தக்கது …
