தற்போது விஜய் ரசிகர்கள் உச்சகட்ட எதிர்பார்ப்பில் காத்துக் கொண்டிருப்பது லியோ படத்திற்காக தான் . அப்படி ஏற்கனவே லோகேஷ்கனகராஜ் – விஜய் கூட்டணியில் வெளியான மாஸ்டர் திரைப்படம் சூப்பர் ஹிட் படமாக அமைந்தது. இரண்டாவது முறையாக லியோ படத்தில் இருவரும் கூட்டணி அமைத்துள்ளனர் . இந்த படத்தில் இரட்டை வேடத்தில் நடிக்கும் விஜய் உடன் இணைந்து திரிஷா ,சஞ்சய் தத்,
அர்ஜுன் ,கௌதம் வாசுதேவ் மேனன், சாண்டி மாஸ்டர் ,பிரியா ஆனந்த், மன்சூர் அலிகான் , மிஷ்கின் போன்ற பல பிரபலங்கள் நடித்துள்ளனர். எஸ் எஸ் லலித் குமார் தயாரிப்பில் உருவான இந்த படத்திற்கு அனிருத் இசையமைத்திருக்கிறார் . இந்த திரைப்படம் வருகின்ற 19ஆம் தேதி,
திரைக்கு வர இருப்பதாக தகவல் வெளியாகி உள்ளது . மேலும் சமீபத்தில் இந்த படத்தின் டிரைலர் வெளியாகி ரசிகர்களிடையே நல்ல வரவேற்பை பெற்றிருந்தது . அது மட்டுமல்லாமல் அந்த டிரைலரில் விஜய் கெட்ட வார்த்தை பேசியது பெரும் சர்ச்சையை கிளப்பியது .
இப்படி இருக்கும் நிலையில் லியோ படத்தின் சென்சார் சான்றிதழ் இணையத்தில் வெளியாகி உள்ளது. அப்படி லியோ படத்தில் ஒரு கெட்ட வார்த்தை என்றால் பரவாயில்லை, பல இடங்களில் கெட்ட வார்த்தை இடம்பெற்று இருக்கிறது. அது மட்டுமல்லாமல் ரத்தம் தெறிக்கும் ,
பல காட்சிகளும் இருந்திருக்கிறது . இதனால் லியோ படத்தில் மொத்தமாக 13 இடங்களில் சென்சார் போர்ட் கத்தரி போட்டுள்ளதாம். இதை பார்த்த ரசிகர்கள் என்ன லோகேஷ் இதெல்லாம் என்று கேள்விஎழுப்பி வருகின்றனர் …
